Brano është një profesionist me më shumë se 16 vjet përvojë lidershipi në fushën e shitjeve dhe teknologjisë në telekomunikacion. Ai ka një përvojë solide në krijimin e strategjive të rritjes dhe krijimin e mjedisit organizativ dhe kulturor për t'i zbatuar ato. Brano është zhvilluar profesionalisht brenda grupeve ndërkombëtare të telekomunikacionit, duke filluar nga kompanitë vendase dhe duke mbajtur role të ndryshme drejtuese. Ai ka mbajtur gjithashtu edhe rolin e liderit ndërkombëtar në njësinë rajonale të biznesit dhe funksionin e grupit global.

Irida është diplomuar për Administrim Biznesi, dega Menaxhim (2003) në Fakultetin e Ekonomisë, Universiteti i Tiranës dhe Master i nivelit të dytë, MBA (2016), nga Universiteti i Tiranës në bashkëpunim me Universitetin e Nebraskës. Karriera e Iridës ka filluar të zhvillohet në industrinë e telekomit duke filluar nga viti 2003, në AMC si Drejtore e HR për rreth 5 vjet. Ajo iu bashkua Eagle Mobile në vitin 2008 si Drejtore e HR dhe kontribuoi në këtë rol deri në vitin 2012.

Athanasios Paraskevas është Drejtor i Divizionit Komercial në One Albania sha. Ai është i specializuar në aktivitetet komerciale, shitjet dhe rrjetin e shpërndarjes me një eksperiencë për më shumë se 15 vite në industrinë e Telekomunikacionit. Duke qenë i pranishëm në tregun shqiptar për më shumë se tetë vite, njohuritë dhe eksperienca ndërkombëtare e Z. Paraskevas do të kontribuojnë në realizimin e strategjisë sonë për të qenë operatori më i preferuar dhe më i besuar në Shqipëri.

Indrit Daci pasi mbaroi MBA-në në Universitetin Modena dhe Reggio Emilia punoi në sektorin financiar dhe logjistik, ku drejtoi në pozicionin e CEO-s një firmë tregtare shqiptaro-italiane. Ai iu bashkua ALBtelecom në vitin 2009 si Shef i Stafit për CEO-n e kompanisë, më pas si Drejtor i Shitjeve me Pakicë. Në vitin 2012 ai u bë Drejtor i Shitjeve me Pakicë i Eagle Mobile dhe Drejtor i Rrjetit dhe i Shitjeve me Pakicë të ALBtelecom. Z. Daci drejtoi bashkimin dhe integrimin e Eagle në ALBtelecom. Nga viti 2014 Z.

Ervin Shpori është diplomuar në vitin 2000, në Fakultetin e Drejtësisë, në Shkodër me gradën Master dhe gjithashtu në vitin 2006 në Fakultetin Ekonomik po në këtë universitet. Z. Shpori fillimisht iu bashkua kompanisë ALBtelecom me detyrën e juristit, në mars të vitit 2001 dhe më pas në vitin 2008 u emërua Drejtor i Drejtorisë së Çështjeve Ligjore të kompanisë. Prej vitit 2014, mban detyrën e Drejtorit të Grupit Ligjor, Rregullator dhe Konkurrencës. Ai ka më shumë se 20 vite përvojë profesionale me ALBtelecom dhe së fundmi ishte emëruar Drejtor Ekzekutiv i komanduar i ALBtelecom.

Ilir Duka është Drejtor Rrjeti në One Albania sha. Ai është pjesë e kompanisë prej më shumë se 24 vitesh dhe ka një përvojë të gjatë profesonale në fushën e telekomunikacionit. Z. Duka iu bashkua kompanisë si inxhinier për planifikimin e rrjetit që në krijimin e saj në vitin 1995. Më pas, ai u emërua Manaxher për Planifikimin & Optimizimin e Rrjetit, dhe nga viti 2005 deri në vitin 2018 ka drejtuar Departamentin e Inxhinierisë së Radio & Transmetimit.