Si të kontaktoni me Kujdesin ndaj Klientit të One?

Telefon:
Dëshironi të telefononi? Numrat e mëposhtëm janë në dispozicionin tuaj

Shërbimi One Transfer iu jep mundësi abonentëve One me parapagesë për të tranferuar kredit drejt një numri One me parapagesë.
Ju mund të transferoni nga 100 deri në 500 lekë në ditë (dhe jo më shumë se 2500 lekë në muaj) drejt një abonenti tjetër One me parapagesë.

Shkruani: Shumën që dëshironi të transferoni (hapësirë) numrin e celularit ku dëshironi të bëni transfertën dhe dërgoni SMS në numrin 55588. Shembull: 500 06x xxxxxxx tek 55588.
Më pas, ju do të merrni një mesazh që do t'ju kërkojë të konfirmoni ose jo transfertën. Shkruani "Po" për të konfirmar ose "Jo" për të anulluar dhe dërgojeni si mesazh në 55588.

• Ky shërbim është i mundur për abonentët One me parapagesë.
• Shërbimi mund të përdoret edhe nga abonentët me kontratë duke bërë një kërkesë në një nga dyqanet ONE
• Transferta mundësohet vetëm kur dërguesi disponon në telefon një minimum prej 20 lekësh + shumën që do të transferohet.
• Për të kryer transfertën mjafton të dërgoni një SMS në numrin 55588.

Ky shërbim ju jep liri veprimi, pasi ju mund ta zgjidhni vetë shumën me të cilën dëshironi të ripërtërini kohën tuaj telefonike, mjafton të na vizitoni në çdo dyqan One dhe të kërkoni kryerjen e rimbushjes, e cila fillon nga 100 lekë, madje edhe qindarkat ju hidhen në llogari. Me anën e shërbimit të rimbushjes elektronike, ju mund të rimbushni llogarinë tuaj sipas dëshirës.

Çfarë është rimbushja elektronike e One?

Me anë të këtij shërbimi ju mund ta ripërtërini kohën e bisedës për numrat One me parapagesë, falas.

Për të kryer rimbushjen nuk është nevoja e kartës rimbushëse. Ju mund të paraqiteni në dyqanet One, të deklaroni shumën me të cilën doni të rimbushni llogarinë tuaj dhe ta paguani atë. Personeli i dyqanit One kryen rimbushjen dhe në çast ju njoftoheni me një SMS që konfirmon rimbushjen me sukses. Procesi është tepër i shpejtë dhe nuk ka formalitete.

Kushtet e shërbimit:

Ju mund të rimbushni llogarinë tuaj duke filluar nga 100 lekë deri në 10 000 lekë. Shërbimi është falas. Koha e bisedës e përftuar nëpërmjet shërbimit të rimbushjes elektronike është e vlefshme nga 1 deri në 6 muaj pas datës së rimbushjes, sipas tabelës së mëposhtme:

Çdo rimbushje e rrit vlefshmërinë e kreditit tuaj në varësi të afatit të vlefshmërisë që ka vetë rimbushja dhe datës së skadimit të kreditit që përcakton mesazhi i regjistruar kur telefononi në numrin 141 para kryrjes së rimbushjes.

Në çdo rast, afati më i gjatë i vlefshmërisë së kreditit i përcaktuar nga rimbushjet e kryera do të klasifikohet gjithashtu edhe si afati i skadimit të kreditit (afati me i gjatë është 12 muaj, afati fillestar I kartes SIM), duke ju dhënë kështu mundësi të përdorni më shumë shërbimet dhe ofertat e One

Ju mund të rimbushni më shumë se një llogari One me parapagesë.

Nëse ju dëshironi të rimbushni llogarinë me një shumë më të madhe se 10 000 lekë, ju mund të kryejeni dy rimbushje të vecanta, njërën me 10 000 lekë dhe të dytën me shumën e mbetur të dëshiruar.

Shembull: Shuma totale e rimbushjes: 13 500 lekë. Rimbushja e parë: 10 000 lekë, rimbushja e dytë: 3 500 lekë. Pas çdo rimbushjeje të suksesshme, do të njoftoheni me një mesazh konfirmimi.

Sa lekë shtohen në llogari me çdo rimbushje elektronike?

Juve do t'ju shtohet në çast në llogarinë e tij shuma e saktë për të cilën kryeni pagesën në dyqanet One apo Online.

Shembull:

Për më shumë informacion vizitoni dyqanet One ose Shërbimin e Klientit në 142.

1. Ankesat mund të paraqiten:

• nëpërmjet numrave të  139, 144, 142 për të gjitha llojet e ankesave,
• nëpërmjet sporteleve të One Telecommunications ku merret deklarim shkresor për ankesën.
• nëpërmjet postës drejtuar në adresën zyrtare të One Telecommunications, për të gjitha llojet e ankesave.
• me email në adresën complaints@one.al customercare@one.al
• me fax në numrin  +35542275243

 2. Afati i paraqitjes së ankesave është:

• ankesat për “Defekte Teknike” paraqiten në çdo kohë (shërbimi 24 orësh)
• ankesat për faturim paraqiten deri në fund të afatit të pagesës së faturës së ankimuar.
• ankesat për mos riparim të difekteve të paraqiten menjëherë pasi mbaron afati sipas pikave përkatëse të kontratës.
• ankesat e tjera, të çdo lloji qofshin, paraqiten sa më parë.

 3. Ankesat, në varësi nga natyra e tyre, shqyrtohen nga strukturat përkatëse të One Telecommunications, mbështetur në të dhënat e marra nga Degët apo Sektorët e tjerë dhe konform rregullave bëhet analiza dhe zgjidhja e tyre, konform afateve të parashikuara në kontratën e pajtimit.

 4. Afati i informimit me shkrim të pajtimtarit mbi rezultatin e shqyrtimit të ankesave sipas pikave 2.b, 2.c, 2.d, dhe 2.e është brenda 15 (pesëmbëdhjetë) ditëve nga marrja e tyre.

 5. One Telecommunications mban një regjistër të veçantë për ankesat e paraqitura sipas pikave 2.b, 2.c, 2.d dhe 2.e, dhe përgjigjet e dhëna me shkrim sipas pikës 4, duke i dhënë secilës një numër reference.

 6. Pajtimtarët kanë të drejtë që, në përputhje me përcaktimet në kontratë për zgjidhjen e mosmarrëveshjeve, të ankohen në gjykatën kompetente për vendimin e marrë nga One Telecommunications.

Përfitoni nga ky shërbim që komunikimi juaj të mos përfundojë edhe nëse krediti juaj ka përfunduar!

Nëse keni më pak se 10 lekë në llogarinë tuaj telefonike dhe nuk keni mundësi ta rimbushni atë, ju mund të përdorni shërbimin Ekstra Kredit:

Instruksione:

• Hyni në menynë One Easy (#100#)
• Zgjidhni shërbimin Ekstra Kredit
• Përzgjidhni të rimbushni llogarinë tuaj me 100 lekë ose 200 lekë (me TVSH).
   

1. Tarifa për Ekstra Kredit 100 është 20 lekë (në total do të kreditoheni me 120 lekë)

2. Tarifa për Ekstra Kredit 200 është 30 lekë (në total do të tarifoheni me 230 lekë)

Në këtë mënyrë ju mund të vazhdoni komunikimin tuaj pa e ndërprerë atë.

Për më shumë informacion na vizitoni në dyqanet One ose kontaktoni me Kujdesin e Abonentit në numrin 139.

Tashmë, është kaq e thjeshtë të komunikoni me SMS & MMS, mjafton të aktivizoni shërbimet dhe të komunikoni lirshëm, kudo që ndodheni. Duke dërguar texte apo imazhe, ju mund të ndani shumë nga jeta juaj me miqtë tuaj!

SMS:

Me SMS mund të dërgoni e të merrni mesazhe të shkruara deri në 160 karaktere, me të gjithë abonentët e rrjeteve me të cilët One ka marrëveshje. Për të dërguar SMS duhet të keni të regjistruar numrin e qendrës të mesazheve i cili është +355681000000.

Si të dërgoni një SMS:
Për të dërguar një mesazh të shkruar, zgjidhni më parë në aparatin tuaj rubrikën "Krijo një mesazh të ri" (modele të ndryshëm telefonash celularë e kanë të shprehur në mënyrë të ndryshme këtë komandë) dhe pastaj shkruani mesazhin, duke përdorur butonat e aparatit tuaj, më pas zgjidhni komandën "Dërgo mesazhin" i cili do t'ju dërgojë në hapësirën ku mund të përzgjidhni marrësin nga rubrika juaj telefonike ose të shkruani numrin e tij. Në disa telefona celularë rradha e ketyre veprimeve mund të jetë e ndryshme, duke përzgjedhur fillimisht marrësin dhe më pas komandën e dërgimit të mesazhit. Në të dyja rastet, në momentin qe SMS është dërguar me sukses, ne ekran do t'ju shfaqet një shenjë apo mesazh që e konfirmon këtë proçes.  

Kur merrni një SMS:
Ky shërbim është falas.Kur merrni një mesazh, në ekran do t’ju shfaqet një zarf ose një pjesë e mesazhit të shkruar që ka mbërritur në telefonin tuaj celular (në varësi të modelit që përdorni). Disa modele telefonash ju njoftojnë edhe me një tingull karakteristik. Ju mund të zgjidhni rubrikën "Lexim mesazhi"nga menuja e aparatit ose përzgjidhni atë direkt në ekran. Pasi ta keni lexuar atë mund të zgjidhni ta fshini ose jo. 
Ju rikujtojmë se disa modele telefonash celularë kanë një kapacitet të kufizuar për ruajtjen e mesazheve të lexuara. Nëse ju do të keni arritur në këtë limit, telefoni juaj nuk do të jetë në gjendje të marrë mesazhe të rinj.

*Për informacion më të gjerë, këshillohuni me udhëzuesin e përdorimit të telefonit tuaj celular.

*Per informacione të mëtejshme kontaktoni sherbimin e Kujdesit të Klientit në numrat 139 (abonentët me parapagesë) & 144 (abonentët me plane tarifore).

Shërbimi Facebook Zero përmban vetëm tekst, në mënyrë që ju të lundroni më shpejt në të.

Faqet që përfshihen në Facebook Zero mund t'i shikoni pa pagesë.

Ju do të tarifoheni vetëm nëse klikoni link-et ose fotografitë që ju dërgojnë në faqe jashtë shërbimit Facebook Zero. Në këtë rast, do të tarifoheni me tarifat standarde të internetit të planit tarifor të cilit i përkisni.

Abonentët One hyjnë në Facebook Zero nëpërmjet adresave:

• 0.facebook.com
• zero.facebook.com

Kujdes! Facebook Zero nuk është i vlefshëm kur jeni në roaming.

Ndryshoni statusin, bëni komente dhe 'like', kontrolloni statusin e miqve vetëm me një SMS prej 6 lekë (me TVSH).

Aktivizimi:

• Nëpërmjet menysë Easy Menu (#100#), në rubrikën Të reja, Facebook SMS. Kjo mënyrë aktivizimi është falas.
• Duke dërguar një SMS me tekst FB në numrin 55466. Ky mesazh kushton 6 lekë (me TVSH). 
   

Përdorimi:

• Në të dyja rastet Facebook i dërgon abonentit një kod me SMS.
• Abonentët duhet të hyjnë në profilin e tyre në Facebook, tek Llogaria / Rregullo llogarinë / Celular.
• Aty abonentët klikojnë tek Keni pranuar tashmë shifrën për konfirmim?
• Në hapësirën bosh vendoset kodi i marrë me SMS.

Nga ky çast shërbimi është i aktivizuar dhe abonentët mund të përshtasin konfigurimet për SMS që do t'u vijnë në celular.