Të nderuar pajtimtarë,

Duke filluar nga data 1 Maj 2026, në përputhje me Termat dhe Kushtet e Përgjithshme të Ofrimit të Shërbimeve të Rrjeteve Fikse dhe të Telefonisë së Lëvizshme, One Albania Sh.A. do të zbatojë përshtatjen vjetore të tarifave me një normë vjetore jo më të lartë se 2.2%, bazuar në Indeksin e Çmimeve të Konsumit (IÇK) të publikuar nga INSTAT për vitin 2025.

Kjo përshtatje do të aplikohet mbi:

• tarifën mujore standarde të planeve tarifore për abonentë me paspagesë, për shërbimet fikse dhe celulare; dhe
• tarifat standarde për njësi (kombëtare dhe ndërkombëtare) për thirrje, SMS dhe përdorimin e internetit, për shërbimin celular me paspagesë.

Përshtatja do të zbatohet për pajtimtarët Individë dhe Biznes, të njoftuar individualisht nëpërmjet mjeteve të qëndrueshme, në përputhje me kuadrin rregullator në fuqi.

Për më shumë informacion, telefononi 123, vizitoni one.al ose dyqanet One.