One ju ofron shërbimin e Sekretarisë Telefonike Zanore në mënyrë që të mos humbni asnjë telefonatë.

Sekretaria Telefonike mund të përdoret:

- Kur telefoni është i fikur ose jashtë zonës së mbulimit
- Kur abonenti nuk ka mundësi të përgjigjet
- Kur linja është e zënë
- Për të gjitha rastet

Në këto raste personi që ju telefonon lidhet në mënyrë automatike me sekretarinë tuaj telefonike duke dëgjuar mesazhin e regjistruar dhe duke lënë mesazhin që dëshiron.

Aktivizimi 
Për të aktivizuar sekretarinë telefonike zanore kontaktoni me numrin 139 (Shërbimi i Kujdesit të Abonentit). Ju gjithashtu mund ta bëni vetë aktivizimin nëpërmjet kodeve të artikullit "Transferimi i thirrjeve"

Mënyra e hyrjes në Menu 
Për çdo hyrje në menunë e Sekretarisë telefonike Zanore duhet të përdorni kodin:
777 buton thirrje# 
Pas këtij veprimi automati ju kërkon fjalëkalimin tuaj që fillimisht është 4444. 
Atëherë veprimi i plotë është 777 buton thirrje#4444# 
Pas këtij veprimi gjendeni në menunë kryesore të Sekretarisë Telefonike Zanore. Ju ofrohen dy menu të tjera suplementare: 7 menu e lehtësuar 8 menu e zgjeruar, ku do të gjeni të gjitha veprimet që ju mundësojnë ndryshim të menysë si p.sh. ndryshimin e përshëndetjes (7.2) ndryshimin e fjalëkalimit (7.4)etj.

Njoftimi kur arrin një mesazh i ri zanor
Sa herë që në sekretarinë tuaj telefonike vjen një mesazh i ri, lajmëroheni nga qëndra e mesazheve me një mesazh të shkurtër (SMS), që ju sugjeron të kontaktoni me numrin 777 për të dëgjuar mesazhin. 

Dëgjimi i mesazheve nga një telefon tjetër
Shërbimi i Sekretarisë Telefonike Zanore ju ofron gjithashtu dëgjim të 
mesazheve tuaja nga një telefon tjetër, në rast se nuk keni pranë aparatin tuaj celular. 
Për të marrë mesazhet e lëna në kutinë tuaj postare nga një telefon tjetër
formoni kodin: 7777777 buton i thirrjes –numrin e kutisë suaj postare(xxyyyyy)# kodi #
Sekretaria telefonike Zanore ka kapacitet pranimi 10 mesazhesh me kohëzgjatje maksimale dy minuta secili. Mesazhet e palexuara ruhen për 2 ditë, ndërsa mesazhet e dëgjuara, në rast se i keni ruajtur, qëndrojnë për 5 ditë. 
Kur dëshironi të çaktivizoni Sekretarinë Telefonike Zanore ose keni paqartësi të tjera, komunikoni me 139 (Shërbimin e Kujdesit të Abonentit).

1) Ankesat mund të paraqiten :

a - nëpërmjet numrit 139, 144, 165 për “Defekte teknike” dhe “Ankesë për faturim” .
c - nëpërmjet sporteleve të One ku merret deklarim shkresor për ankesën.
d - nëpërmjet postës për ankesa të ndryshme në adresën zyrtare të One : ”Rr Ndre Legisi, Laprakë, Tiranë”.
e - me email, në adresën complaints@one.al.


2) Afati i paraqitjes së ankesave është:

a - ankesat për “Defekte Teknike” paraqiten në çdo kohë (shërbimi 24 orësh).
b - ankesat për vendimet apo veprimet e One për aksesin apo veprimeve të kryera nga One, brenda afatit të përcaktuar në vendim.
c - ankesat për faturim paraqiten deri në fund të afatit të pagesës së faturës së ankimuar.
d - ankesat për mosriparim të defekteve duhet të paraqiten menjëherë pasi mbaron afati ,sipas pikave përkatëse të kontratës.
e - ankesat e tjera, të çdo lloji qofshin, paraqiten sa më parë.

3) Ankesat, pasi merren nga zyra e ankesave, në varësi të natyrës së tyre, shqyrtohen nga strukturat përkatëse të One, mbështetur në të dhënat e marra nga Degët apo Sektorët e tjerë dhe konform rregullave bëhet analiza dhe zgjidhja e tyre, konform afateve të parashikuara në kontratën e pajtimit.

4) Afati i informimit me shkrim të pajtimtarit mbi rezultatin e shqyrtimit të ankesave sipas pikave 2.b, 2.c,2.d, dhe 2.e është brenda 15 (pesëmbëdhjetë) ditëve nga marrja e tyre.

5) Në rast të zgjatjes së vendimit pëer ankesën , One merr përsipër të kontaktojë abonentin cdo 3 (tre) ditë për t’a informuar atë mbi ankesën e paraqitur.

6) One mban një regjistër të veçantë për ankesat e paraqitura sipas pikave 2.b, 2.c, 2.d dhe 2.e. dhe përgjigjet e dhëna me shkrim sipas pikës 4, duke i dhënë secilës prej tyre një numër reference.

7) Pajtimtarët kanë të drejtë që, në përputhje me përcaktimet në kontratë për zgjidhjen e mosmarrëveshjeve, të ankohen në gjykatë për vendimin e marrë nga One.

Ju mund të shkarkoni formën e regjistrimit të ankesave këtu.

Identifikimi i thirrjes (CLIP)

Ky shërbim është falas për të gjithë abonentët e One dhe është i aktivizuar nga rrjeti. Nëpërmjet shërbimit të identifikimit të thirrjes CLIP, ju jepet mundësia të shihni në ekranin e telefonit tuaj se cili numër po ju telefonon. Në të njëjtën mënyrë edhe numri juaj shfaqet tek ekrani i aparatit të personit që ju i telefononi. Në qoftë se personi ka aktivizuar shërbimin e mosshfaqjes së numrit të tij, CLIR, atëherë numri i tij nuk do të shfaqet në ekranin e aparatit tuaj.

Fshehja e numrit (CLIR)

Edhe shërbimi i fshehjes së numrit ofrohet falas për të gjithë abonentët One. Ky shërbim mund të aktivizohet nëpërmjet menusë së aparatit ose me anë të kodit #31# që vendoset para numrit të telefonit, por abonentët me kontratë duhet të telefonojnë paraprakisht në numrin 144.

Shërbimi mund të çaktivizohet nëpërmjet menusë së aparatit ose me anë të kodit *31# që vendoset para numrit të telefonit.